الدرس الأخير

شالت ايديها وراحت

وآنا أحس الروح راحت

صارت ايديني حديد

بعد ما كانت حياه

وانزرع جرح جديد

ذاب قلبي من لظاه

كنت أحس الدم واقف

فآخر أطراف الأصابع

كان يمكن زود خايف

تنتهي لحظة توادع

آآآه يا قلبي عليك

ضاااااقت الدنيا عليك

/
\
/

كنت تتمنى الثواني

لو توقف

كنت تسمع هالأغاني

نبض ينزف

وانسرق منك الزمان

وامتلى ذاك المكان

بالدموع

وبالخضوع

وحزن يجتاح الضلوع

وانطفت مليون شمعة

كان اشعلها حنيني

بألف آآهة وألف دمعة

من أسى حزني وأنيني

آآآه ياقلبي عليك

ضااااقت الدنيا عليك

/
\
/

مات قلبي من سنين

بعد ما ضيع عيونك

تصدقي حتى الحنين

يشتكي قلبي بدونك

ما غدا في الكون شي

لا ولا إنسان حي

ما بقى للحب مينا

تحتوي آلام قلبي

ولا وجوه ولا مدينه

يمكن ألقاها فدربي

ضاع من عيني الوجود

وصارت الدنيا قيود

كلها تاخذ عليك

البشر صاروا عيونك

والبحر فتنة جنونك

حتى ضحكاتي ودمعي

صرت أحسبها ظنونك

آآآه يا قلبي عليك

ضاااقت الدنيا عليك

/
\
/

ارجعيلي يا حياتي

وازرعي فيني الحياه

علميني يا غناتي

كيف أحيا من وفاه

علميني كيف حبك

علميني كيف قربك

علميني كيف تضحك

زهرة السوسن فدربك

جددي فيني الأماني

بعد ما صارت تموت

سمعيني من الأغاني

بعد ما أتعبت السكوت

علميني علميني

وعلميني علميني

ولا أتى الدرس الأخير

علميني كيف أقسى

كيف قلبي

ينجرح منك وينسى

وانه مهما تبعدين

وعن حياتي ترحلين

تبقى أنفاسي فروحي

وأبقى أحيا مع جروحي

ولا يجي اليوم الأخير

ولا يجي اليوم الأخير